كان صوتي والآن انا صوته 💔
ما حدا بيعيش القهر غير اللي عايش الغياب😥 ما حدا بيرد الصوت… لأنه فعليًا زوجي كان صوتي وصَداه. من يوم ما انأسر، حياتي ما وقفت، بس بطّلت تشبهني. كأنو كل إشي كمل إلا أنا، ضليت معلّقة بين اللي كان واللي صار. كنت أقدّس بيتي وزوجي وأولادي، وكانوا يحكوا عن حبي إلهم كأنو زيادة عن اللزوم… بس أنا كنت شايفة فيهم حياتي كلها: بيتي مملكتي، أولادي ملائكة صغار، وزوجي مالك قلبي. بس الحياة اختبرتني بأكتر إشي بحبه. هو ما راح لحاله… أخد معه صوتي، أماني، وإحساسي الطبيعي بالحياة. تركني بروح طفلة ما بتعرف إشي، واليوم صرت الدنيا بحالها. كبرت غصب عني، تعلّمت أواجه، أوقف، وأكمل لحالي… مش لأني قوية، بس لأنه ما في خيار. أنا قوية… وبكابر على حالي. بقول ما بدي سند، وإني سند للكل. بس في لحظات ما حدا بشوفها… بكون فيها محتاجة كتف، محتاجة حدا يقوّيني وأتخطى وأرجع أكمل. وأولادي… كبروا على الغياب، مش على حضوره. كل مرحلة بحياتهم مرّت وهو مش موجود فيها، وأنا كنت بحاول أكون كل إشي بنفس الوقت. القهر مش بس إنه غايب… القهر بكل لحظة كان لازم يكون فيها وما كان. أنا مش عم بكتب لأشتكي… أنا عم بكتب لأني تعبت من الصمت. ما حدا...